Ерөнхийлөгчийн сонгуулийн тухай хуулийг УИХ-ын чуулганы хуралдаанаар өнөөдөр хэлэлцэх байсан ч хойшлуулах шийдвэрийг гаргасан. Хууль өргөн бариад хэлэлцүүлгийн шатанд явж байх үед нь Ардчилсан намынхан улс төрийн намуудын төлөөлөл оролцуулсан нээлттэй хэлэлцүүлэг хийж байх жишээний. Өнөөдөр Төрийн ордонд улс төрийн намуудын төлөөллүүд Ардчилсан намынхантай хамтран Ерөнхийлөгчийн сонгуулийн тухай хуулийн талаар санал бодлоо хуваалцаж байна. УИХ дахь Ардчилсан намын бүлгийнхэн сөрөг хүчнийхээ үүргийг биелүүлж чадахгүй байгаа нь эндээс тодхон харагдаж байгаа юм. Угтаа бол хуулийн төслийг УИХ-д өргөн барьсан цагаас нь эхлэн улстөрийн тоглолт хийх гээд байгаа юм бол асуудлыг хөндөх байтал өнгөрсөн борооны хойноос цув нөмрөх гэж.

УИХ дахь Ардын намын бүлгийнхэн 65-уулаа. Бүдүүн бүлэг нэрийг хэдийнэ зүүчихсэн. Тэд хүсвэл хуулийг яаж ч баталж болно. Ийм учраас уу, аль эсвэл туршлагагүйдээд байна уу. Ардчилсан намын бүлгийнхэн асуудалд нэг л хожуу ач холбогдол өгөөд байх шиг. Эсвэл улс төрийн мэдрэмжгүй. Төрийн албанд ажиллаж байсан хүмүүсээр бүлгийн ажлын албыг бүрдүүлсэнд учир байна уу. Ямартай ч хоцорч алхаад, хийсэн ажил чинь үр дүнд хүрэхгүй. Улс төр хийж чадахгүй байна, УИХ дахь Ардчилсан намын бүлгийнхээн.

У.Жанцан